Zur .26. figura explicatio von der hufte oder achsell des Elnbogens solte billig die achsel heißen.
In dieser figura gedencket der Autor des wammes seines leibes, da er dan seinem kegenteil den erßten griff erlaubet, zeiget auch darnach weiter an das er sich dem gewichten nach nider sencke, vnd mit seinen ellebogen, das ist mit dem andern deil des arms seines kegentheils erste teil des arms, nemlich die hand oder das erste gelencke hinter der hand angreifft oder ansetzet vnd sich loßmachet, erwischet ihn darnach wiederumb bei dem dritten gelenck des armes vnd hebet den mit seinem ganzen leibe in die hohe, vnd mit der lincken hand ergreifft er seines wiedparts lincken arm, zeugt ihn mit gewalt zu sich vnd wirfft ihn also nach dem gewichte vber die halbe huffe zur erd’ also kan man leichtlich in dieser figura mercken, wie viel im ringen daran gelegen ist, das man die juncturas extremitatu corporis burnani recht greifft vnd anfaßet, vnd nach dem gewicht vnd nach der declination des leibes mit dem bewegen procediren mus, wie beÿ den vorigen figuren zum offtern mal gedacht ist worden.
