This page needs to be proofread.
Zur .39. figura explicatio von dem Bruch vber das Rhad
In dieser figura kan man gar eigentlich sehen was das gewicht, die schwechen, die declination des leibes, vnd das vertreten der schenckel, im ringen vor vorteil bringen, wehr dieselbigen gewiße (wie in dieser, vnd in der vorigen figuren allen gnugsamb declariret ist) zue greiffen weis vnd recht zue gebrauchen, kan leichtlich in ringen gewinnen, vnd ist diese figura der funfften nicht fast vngleich, allein das der Autor alhie den gemechtgriff mit der rechten hand nicht gebrauchet, sondern dafur des andern rechte bein faßet vnd ihn also zue erde fellet, kan auch zue beiden seiten, lincks vnd recht gebraucht werden.
