Page:2º Cod.MS.Philos.62 56r.jpg

Zur 53. figura explicatio vom Bruch vber den Riegel Im Haken.

In dieser figura gedenckt der Autor des hakens seines kegenteils, darnach seines eigenen lincken schenckel vnd der wage, welches das furnembste in dieser figura ist, den wer nach dem gewichte nach den schwechen vnd nach der declination des leibs ringet, kan dem andern leichtlich angewinnen, er stehe gleich im haken oder im riegel, alhie nimpt aber der autor mit dem lincken beine das gewichte vnd mit der rechten hand greifft er die eußerste schweche am schenckel, vnd fellet ihn also seidlinges zur erden, der haken kan aber viel leichtlicher gewehret werden, wie zue vor offt gemeldet ist, mit der .5. mit der 39. figura auch mit der huffen.