Page:2º Cod.MS.Philos.62 62r.jpg

Zur .59. figura explicatio vom einlauff des Hackens

In dieser figura' gedenckt der Autor seiner recht’ hannd vmb des kegenteils lincke arme, welchen er mit seiner rechten hand ausschlecht oder losmachet an dem orte seines armes, damit ihn der kegenteil hat angefaßet, ergreifft ihn dar nach mit seinem rechten arm, vber die achsel vmd den hals, scheubet hernach von sich mit dem ganzen leibe, vnd zeucht mit seiner lincken hand des kegenteils rechte arme zusich seidlinges, haket ihme seinen rechten fus vmb den lincken schenckel, vnd wirfft ihn also seidlinges (gleich alß wen man einen vber die halbe huffe werft.) zur erden, welches er den hacken nennet, kan auch lincks vnd rechts gebraucht werden, wie bei der 46. figura des hackens definition gnugsamb describiret, vnd in dieser kegenwertigen figura augenscheinlich demonstriret wird, ist derweg’ nicht nötig weitleufftiger davon zue melden.