This page needs to be proofread.
Zur .35. figura explicatio vom durchlauffenn
In dieser figura dencket der Autor des durchlauffens vnder dem arm, ist faßt gleich wie die siebende figura alleine das der Autor alhie mit seiner lincken hand das andern rechte bein von inwendig ergreiffet, in der 7. figura greifft er ihn mit der lincken hand vmb den leib, vnd hebet ihn also in beiden figuren auff in alle hohe vnd draget ihn hinwegh oder wirfft ihn zuboden in dieser figura vnd der siebenden dis buchs kan man auch leichtlich sehen, wer das ganze fundament des ringens betrachten will, das man ein dings nicht auf eine ahrt allein machen kan, sondern auf mehr arte, als furwarts hinderwarts vnd zue beiden seiten es seÿ lingks oder rechts
