Page:MS Q566 144v.jpg

wie du wild vnd nim war das du jm pindest an seyn Swert vnd thu allz auß dem langen ort vnd daz recht pein vor vnd jn dem haw drit zu mit dem linken fus vnd jn dem drit las nit den knauff deines swerts vnden pis auff sein swert vnd zuk ez witer die arm vnd dein spicz kere jm zu der prust

Beim gehilcz begreiff jm sein swert vnzer zuk ez vnter die arm vnd dein spicz ker jm zu der prust vnd mit deiner linken hant greiff jn der mitt jn dein swert vnd druk frisch von dir leg dein swert auff deine knie

Sticht er dir zu so nym den stich ab zwischen deinen peiden henden vnd schlorg (sic) jm zu mit deinem knauff vnd um sein Hals zu der rechten seiten vnd secz den rechten fus fur seinem fuß vnd ruk jn andich so fellt er wis wan das ist das ist (sic) das einer fellt

das du sein swert hast fellt er auff den ruken so las das swert fallen pey seinen peinen vellt er auff sein rechte seyten So las das swert fallen auff sein linke fellt er auff sein linke seyten so las das swert fallen So las dz swert fallen auff sein rechten vnd wiß ob er dan mit sterk auff stund So kumstu e zu dem swert den er

jst er aber ein uber storker man vnd thu fil krenker dan er

So las alle kunst vnterwegen vnd schlach mit rechtem uberhawen mit dem knauff zu jm den ort vnd so dich einer wil schlahen auff das swert So zuk dz swert zu den linken sy vm den leib vnd den rechten sy mit vnd secz den rechten fus wider an die stat vnd thu einen uberhaw von der rechten achzel vnd pald ener andern uberhaw wider zu ruk vnd mit den dritten wider zu gedreten vnd jn die pforten gehawen

jtem das erst swert nemen

vnd das such in dem subenden stük das ander arm winden das kumpt mit wechsel hewen so du willd das du jm an das swert machst pinden allz jn dem langen ort daz dein rechts pein vor ste vnd zu haut so thu allz du jn ernstlich dust stechen vnter die augen mit einem zu drit dez linken fus vnd allz pald er dan den arm auff