Item aber eyn stuck ist er dir zu starck das dw außbendigs den arme nicht beschlyssen magst als das erst stuck lautt So thu Im also du außbendig In wolst beschlissen Indes far Inbendigs oben vber seyn arme an dy achsel vnd schreytt mit deynem rechten fuß hinter seynen rechten vnd druck In dar vber
Item nota wenne du Im also Inbendigs In seyn arme ferst mit dem messer so tritt albegen mit deynem rechten fuß woll hinter seynen rechten das seyn arme zwischen dich vnd In kum so gett eß recht zu etc
Item oder leg Im das pindt an seyn hals seyner lincken seytten vnd schreytt mit deynem rechten füß hinter seynen rechten vnd druck dy klingen deynes messers an seyn arme fast an deyn leyb das der ortt auff deyner lincken seytten peseytt hyn auß stee etc
