starck woll nÿder und an deyn leÿb und schnel yn mit deynem messer auff seÿn kopff etc Sequitur textus
Ler armen uberschyssen
Ja kunstenlich den beschlyssen
Da mit yn magst furen
Noeten zw laüffen oder nicht zw rüren
Hye sagt der meyster von eynem kunstenlichen stuck da mit man eynen pynten und beschlyssen und halten mag und wenn er will so nöt er den man mit dysen stuck daß er still muß stan und wenn dw wild machen daß er ser oder gmelich soel lauffen alzo muß er thuen dw noetest yn ach mit dysem stuck daß er selbs yn eyn sack muß krychen so dw eß gehabt wild haben und darumb wirt daß stuck von den meystern genandt der verporgengriff
