Page:Cod.Pal.germ.430 059r.png

von payden seytten und thue gleich alz dw nyder seczen wollest und laß daß messer von payden seytten abgen doch daß der dawm albegen unten stee auff der flech deß messerß und wenn dw den stigst daß er deynem messer nach gett mit der versaczung yndeß mach eyn feler auff welcher seytten dw den man am gebisten mogst zw haben so triffest dw yn ¶ oder so dw ablauffest von payden seytten yndeß so dw oben abgelauffen pist alzo pald schlag zw der unteren czynnen eyner yndeß schlag pald wyder zw den oberen czynnen

Ligt er ym hangettem ortt
Benym daß messer an forcht
Mit dem kreucz soltu schuben
Und mit payden schneyden dich üben

Hye sagt der meyster aber von eynem haubtstuck daß ist von den pnemen ym