This page needs to be proofread.
dy rechten huff etc
Item hastu den aüßwendigß gefast bey seyner rechten handt mit deyner rechten so czeüg sere seyn rechte mit deyner rechten auff deyn prüst und far mit der lincken hand ausser umb seyn halz und wirff yn uber deyn linckeß payn oder huff etc
Item wenn dir eyner eyn lauffet ym messer und ist nyder mit der handt so far mit dem gehultz aussen ym oben uber seyn armen uber dy rechten handt und drück da mit nyder und zeüch dy woll auff deyn prust und faß in mit der lincken hand bey seynen rechten ölpogen und spring mit dem lincken fuß fur seynen rechten und drück yn also dar uber etc
Item der text spricht der glider etc daß soltu alzo verstan wenn dw zw ym kümbst ym zwvechten und er zw dir so fall ym mit der lincken handt
