far mit dem kloß uber seyn lincke hand ynbendigß auff aussen uber daß gelenck und druck fast untersich mit dem gehulcz und heb mit der lincken hand und mit der klyngen deß messerß fast ubersich auff und schreyt mit dem lincken fuß woll fuer seyn rechte und druck mit dem pyndt seyn lincke hand fast an dich auff deyn rechte seytten und scheub yn oben mit deynem messer fast von dir und birff yn fuer dich auff daß antlicz uber deynen rechten fuß etc
Item eyn ander pruch so er dich pey dem halz hatt alz vor so fal zw gewoppender hand auch alz vor und far mit der klyngen hynter yn seyn rechten armen yn daß glenck deß ölpogenß daß daß pynd unten stee und dy klyng ubersich stee und schreytt mit deynem rechten fueß hynter seynen lincken und scheub yn dar uber etc
Item aber eyn pruch hat er dich bey dem halz mit dem pynd alz vor So laß deyn
