Hew stich schnyd ler finden
Zw kopff zw leyb
Waß dw pegerst daß treyb
Yn allem gefertt
Pruff weych oder hertt
Hye endet der meyster und der merer der künst daß leczt stuck mit seyner eygenschafft und sprichtt will dw yn betrygen etc Daß ist wenn Ir beyde an gepunden habtt ligtt er dir den auff der rechten seytten mit der krümmen versaczung und dw ligst unter seynem messer auch ynder selben versaczung yndeß wynd deyn messer auff seyn lincke seytten gegen seyner ploß und winck wol gegen der selbigen
daß ist alz vor gesprochen daß dw nach der ploß solt greüffen eyn wenig und doch von der selbigen lincken seytten soltu schnel durchgeen mit dem messer fuer deyn leyb mit gesencktem ortt auff deyn lincke seytten und schlag ym zw dem haubt seyner rechten seytten oder secz ym den ortt zw dem gesicht oder zw der prüst
