Page:MS M.I.29 050v.jpg

die vier zinnen die vier zinnen ku^enstlich brechen
Oben duplier / Vnte~ gantz mu^ettier

Hie sagett der meinster von eyner ernstlichen Inhaulbüng als von den zynne~ wie du dich regchen soltt vnd saget der meinster hie von dem dupliren ~

Itm~ daß düpliren mach also wan er dir oben zu° haulbett von siner achsell So hauch von diner rechte~ achsell mit im glich starck zu dem kopff versetz er dan den haulb mit sterck So wind daß gehultz vntter den rechtñ arm vnd far balde vff mit dem arm vnd schlag in dan mit der lange~ schnide~ hinder sin messers klinge~ vff den kopff ~ 

Itm~ Hie saget der meinst~ von dem mutiren vnd tribe also wan du von diner rechten achsell oben In starck haulbest versetz er dan vnd ist wiech im messer So wende vff din linckñ site~ vff sin messer vnd far do mit woll vff mit den armen vnd heng im den ort oben vber sin messer vnd far do mit dem arm vber sin messer vnd stich im zu° der andern zynnen ~

weck uff behende

Weck vff behend
Den ortt zu gesicht wind
Wer mit schritten wol wecket
Vil haulb er sere strecket

Hie saget der meinst~ von eyme~ haupt stu^eck vnd von