Page:MS M.I.29 064v.jpg

Itm~ den durch wechsell trib also wan du mit dem zubechte~ zu dem man kümpst So haulb im obñ lang in zu dem kopff haut er dan gege~ dir zu dem messer vnd nit zu dem lib So loß den ortt mit dem haulb vnte~ durch wechsell ee er dir in daß messer pÿndt vnd stich zu der andern zÿnnen wurtt er dan dz stichs gewar vnd fert mit dem messer dem stich noch mit der versatzüng so wechsell aber durch zu der andern syte~ daß tribe also wan er dir noch dem messer fertt mit der versatzüng dz soltu triben zü peÿden seyten ~

aber ey~s

Itm~ aber eyn durch wechschell wan dü mit dem mã zubechte~ zu dem mã kümpst So setz dynen lincken fus for vnd halt im den lange~ gege~ dem gesicht haut er dir dan von oben oder von vntte~ zu dem messer vnd wil dir daß weg schlage~ oder darin bÿnde~ Indes loß den ortt vnttersich durch sincken vnd stich im zu der andern zÿnnen in vnd dz magstü thün gege~ allen haulben

ey~n gut lere

Itm~ eyn gut lere Vnd dz. tridt stu^eck mach gere eben wan er dir versetz hat oder sünst an