Page:MS M.I.29 075v.jpg

als vor indes bo^eß behende~n vnd loß dyn mesß fallñ vnd rieß din rechte hant Inlbendigks vß syner lincken vnd far vnte~ durch syn lincke~ arm mit dem schlag hinde~ mit dienem rechte~ arm vber syn lincke~ starck von obñ nider vnd wind din rechte syte~ an syn lincke vnd wurff in starck vber dyn rechte huefft~

Itm~ begriff syn messer als vor vnd far mit dem gehultz Inlbendicks vber syn arm vnd riß starck vntersich vff dyn rechte~ syte~

Die gloß gehorett vor den text Ist der dz gelenck prellñ

Itm~ grieff aber mit diner lincke~ hant vber beyde messer Indes far mit dyne~ gehultz an syn gehultz dz din crutz kuem hintter daß syn vnd wind do mit gegen syner rechte~ syte~ vnd schub mit dem vordern teil dines arms starck vff syn rechte syte~ mit gewoppenet armen dz der elnboge~ vntte~ stee vnd schub do mit vast vnd reiß indes obñ starck nider vff dyn rechte syte~ so nÿmpstu Im aber syn messer ~

S^r Ist er dz gelenck prellen

Die gloß gehorett vor den text Ist er dz gelenck prellen