Page:MS M.I.29 104v.jpg

sclag fart hintte~ an sin elnboge~ vnd stos in fast von dir vff sin rechte site~ vnd Indes gibt er dir den ruck so schlag in vff sin hu^efft hinte~ oder hat er eyn teschen vff dem ars geschoben so schlag in dar vff

S^r lanck vber far

Lynck vber far
Indes nÿm ware
Ruck gegen buch wend
Durch peiden bein stich behende

Daß soltu also verstan so du im zubechte~ zu im kümpst vff sin lincke site~ so schlag im zu siner rechte~ site~ Indes wind din lincke site~ an sin rechte site~ vnd far mit dinem lincke~ arm vber sin messer vnd wend den rucken gege~ im Indes fal mit diner lincken hant in din messer in die mit vnd stich dich durch din beyde peynd vnd hab dich woll mit dem ruck an In dz er sines messers vß dem arm nit rucken mag vnd senck dich vorn nider vnd stich in den buch vnd zuch din ort vff wider in In die lincke hant dz er dich hinte~ nit mit dem ortt dineß messers begriffen mag vnd also schub in eyns oder vier mall behentlich in den buch