vnd haulben noch dem messer des mans vnd nichtt zu den zÿnnen des mans Nu den feller tribe also thün sam du wollest haulben mit dem entruest haulb zu der obern zÿnnen siner lincken siten vnd im haulb So du nahent by dem messer bist so haulb im zu der andern zÿnnen siner rechten siten zu dem hauptt ~
Sequitur ob du fellest zwifach
Ob du fellest zwiffach
Die schnit schnid mit macht
Daß soltu also verstan halt din messer vff diner messer vff diner rechten siten dz der ortt vff der erden ste vnd der thu°m vntten an der flech des messers vnd so er dan hoch lu°tt Im luginßlant vnd du hast gemerck daß er sich lu°chtiglich verfuren lest vnd gern der versatzung noch gett So far vff fur din lieb mit dem messer laß den ortt hangen gegen der erden vnd far mit dem messer vber din lincke achschell vntz vber die mit dines hauptes dz der ortt vber ru°ck hynu°ßgee vnd daß gehultz gegen dem man ste vnd thu°nsam du zu° wollest schlagen zu siner lincken syten Indeß schlag in zu dem rechten oren mit dem entru°st haulb ~
Sequitur der zwinger in prichtt
