Page:MS M.I.29 056r.jpg

Vnd ist seltzam Vnd gu°t Wiltu dz stu°ck machen So ste mit dinem lincken fuß fur vnd halt deyn messer vff diener rechten achsell Stott er dan In lügenßlant So haulb von dÿner rechten achsell mit gestracken arm zu° Im lang In mit der langen schniden Vnd im we haulb so wende gegem synem messer vnd schlag in vff dz haupt mit der kurtzen schniden Indes loß dyn messer sencken fur dynen lieb dan ge durch Indes vff dyn lincken syten mit gesencktem ortt vnd schlag In vff den kopf vff syner rechten siten mit der kürtzen schniden ~

Ein ander stu^eck

Item leg dyn messer vff dyn lincken syten dz der ortt vff der erden ste vnd der thu°m oben vff dem messeg [!] lig oder ste in der schranckhutt dz der rechtt fuß vor ste ly^ett er dan in der hu°t lu^eginßlant So haulb eÿchling In zu° siner rechten syten die ku°rtz schnid Indes gee dürch mit dy^em messer vnd senck den ortt vnd far mit dem messer vff syn lincken siten also