Page:MS M.I.29 076r.jpg

Recht mit linck lern arm beschlissen
Halt in vast zu verdrissen
Mit messer ler arm duchen
Wiltu der beschlissen pruchen

Hie saget der meinster aber von eynem beschu^esß vnd spricht recht mit linck etc Dz soltu also verstan haut er vff dich eyn ober haulb vnd haulb mit ym glich In mit eynem Entrüst haulb vnd küm nohent an In dz die hend zu samen ruren Indes halt din rechten arm starck an sinen rechten dz din hant euchling an siner ste vnd schlag indes din lincken arm vber sin rechten Indaß gelenck des elnbogen sins rechten arm vßwendigs vnd far mit der lincken hant Inlbendig an dinem rechten arm vnd leg dich mit der brust vff den selbigen arm also dz sin elnbogen an sin bru^est kümen vnd druck in mit dinem peiden henden also ist er aber beschlossen ~ 

Item Aber eyn beschlu^essen griff mit diner lincken hant vber sin rechten arm Wol zu dem elbogen vnd mit der selbigen hantt