dz gehultz desß messers vnd riß vntersich so nympstu im dz messer ~
ein anders
Item ligt ir beide als vor so nÿm im aber mit lerer hant vnd thun im also so ir beide ligt im hangenden ort so begriff mit diner lincken vff sin lincke siten durch sin messer vñ fal vswendig oben mit der lincken hant zwuschen sin messer vnd siner rechten hant also ist er benümen mit lerer hant etc
Item ligstu als vor im hangenden ort so mastu durch zucken vnd auch durch wechsel schniden thün Im also als du wellest stechen ze der vntern zÿnnen Indes stich besitz vff sin rechten siten vnd triff In nit mit dem stich sunder schlag in mit dem entrust haulb ze siner lincken siten ze der obern zÿnnen //
Item so ir beid ligt als vor Indes wind mit dinem messer gegen sinem messer dz der thüm oben ste vnd stich im behendlich ze dem buch Indes wind wider vff dim lincke siten dz die stümpff schnid vnten ste vnd stich im ze der vorigen zÿnnen ~
