Page:MS M.I.29 086v.jpg

schlecht er dir dan ze der ploß so puge din messer mit dem wol vff sin rechte siten dz dz gehultz ste vff diner rechten siten vnd der ort des messers vff diner lincken siten vnd schrit mit dinen beiden füssen wol vmb in vff sin lincke siten wol vß dem haulb vnd haulb im durch sin haupt siner lincken siten also hastu den bogen zwiffach von beiden siten etc

Sequitur wz vom bogen lang kumpt

Was vom pogen lang kümpt
Ort schnell dz ab nimpt
Die kurtz schnid ler wencken
Lanck zu haupt loß sencken

Hie saget der meinster eyn bruch wider die geraden haulb die von bogen gehaulbet werden vnd den bruch soltu also machen So du vff in haulbest vnd er hautt sin messer dar vnder vnd versetz vnd Indes schlecht er oben nider mit eynem geraden ober haulb Indes drit albveg besitz vß dem haulb vnd haulb im noch dem kopff oder wind Indes din