vber syn lincke hant vff vßwendig vber daß gelenck vnd druck vast vnderdich mit dem gehultz vnd heb mit der lincken hant vnd mit der klingen deß messers fast vber sich vff schrit mit dem lincken fus wol vor syn rechten vnd druck mit dem bindt syn linck hant fast an dich vff dyn rechte syten vnd schu°be im oben mit dem messer vast von dir vnd wurff in vor dich nider vff dz antlittz vber dyn rechten fus ~
a alliud
Item eyn ander bruch So er dich bÿ dem hals hat als vor so fal mit gewoppenter hant auch als vor vnd far mit dem lincken hinder In synem rechten arm Indaß gelenck des elnbogen dz daß pindt vnten ste vnd schrit mit dynem rechten fus hinter syn lincken fus vnd schueb in dar vber ~
alliud ~
Item eyn ander bruch helt er dich mit dem hals mit dem pindt als vor so loß dyn messer fallen vnd schlag dyn lincken arm vber syn rechten starck nider vnd griff mit dyner rechten hant in syn gelenck der hant vnd spring mit dynem lincken fus fur dyn rechten
