oben ste vnd die linck stümpf vnten vnd halt mit dinem gehultz wol hinden vff din l/ siten vnd stich im zu dem gesicht siner lincken siten vnd arbeit Indes etc
Sequitur den storcken schnabell solltu erlangen
Den storcken schnabel soltu erlengen
Das fur pein ze ruck lere prengen
Hie saget der meinster von eynem stuck dz do heist der storcken schnabel So thün im also ste mit dinen lincken fus fur vnd halt din messer vff diner rechten siten bÿ dinem rechten fus oder ob dinem rechten knue dz der ortt gegen dem man ste vnd geb dich ploß mit diner lincken siten haut er dir dan also noch der ploß so ruck din lincken fus wol zu ruck wol vff dz wuetest vnd hab din messer mit gestracktem arm gegem siner brust vnd loß in an din ort lauffen ~
Item ste als vor so er vff dich haulbt aber eyn ober haulb so zuck din lincken fus zu ruck vnd far vff mit dem messer gerad vnd mit gestracktem arm vnd loß in darin schlagen noch der hant oder arm ~
