Page:MS M.I.29 112r.jpg

hengen dz ist der eber von beiden siten triben solt auch vier winden mit allen iren geferten als vß dem eber dz sint die acht winden vnd als vff du windest gedenck in yttlichem winden an den haulb an den stich an den schnit also kümen vß den acht winden xxiiij vnd vß wellichem winden vnd gegen wellichen stucken haulben stichen schnitten den du dust dz bistu zu gutter mossen vor wol vnderrichtt ~ 

Sequitur ortt in die pasteÿ

Ort in die pasteyn richt
An louffen mach ze nicht
Ist er doben von springen
Ort wurt in zwingen

Die meÿnung dex text ist dz du dich weren solt vß dem langen ort im messer vß der hut pasteyn gegen den die hoch fechten vnd hoch mit den armen vnd messer in lauffen vnd vff die tümeler die do von eyner siten vff die ander springen vnd verworffen haulb vber dz haupt machen vor dem man ~

Item Wiltu dich vß der pasteÿn weren so thün im also wan du mit zuvechten zu im kumpst so setz dinen lincken fus for vnd halt din messer mit dem ortt gegen der erden als du woll vndericht pist kümpt er dir engegen als oben geschriben ist so far mit dinem gestrackte arm