Page:MS M.I.29 096v.jpg

Sequitur wil er dir nohens

Wil er dir nohens
Recht mit linck lere vohens
Setz an die kellen vchsen
Gewoppent thut dz buchsen

Hie saget der meinster von eynem stuck wie man dz zu gewoppenter hant triben sol vnd spricht wil er etc ~

Item dz soltu also verstan so er im zubechten zu dir künpt so ste vor mit dinem lincken fus vnd halt din messer vff diner rechten siten vnd oben dinen rechten knüg vnd dz der thum oben ste vnd der ort gegen dem man ste vnd geb dich mit der lincken siten ploß schlicht er dir dan der ploß noch so pu^eg auch vnder sin messer vff din lincke siten vnd spring nohent vff in Indes griff mit diner gantzem lincken arm starck vber sin rechten nohent by dem elnbogen vnd druck sin arm fest in din lincke siten Indes griff vntter sin arm in die mit sines messers vff setz im den ortt an sin kellen oder behalt din messer inder lincken hant in der mit vnd loß din recht hant von dem pindt des messers vnd griff im mit