Page:MS M.I.29 113v.jpg

so du stost in der hut pasteyn vff diner lincken siten so der recht fus fur stott vnd daruß haulben stechen vnd schnitten den dz eß von der lincken siten letzer zu gett dan vff der rechten vnd eym vngabten im messer gar vnlbege dünckt ~ 

Sequitur Wer der pasteÿ zue setz

Wer der bastey zu setz
Vom luginßlant wurt er geletz
Dringt er im anpinden
Ort zu gesicht solt winden

Hie ist zu wissen dz die meinung des text ist Waß den vntern zÿnnen wurtt geschlagen oder gestochen dz soltu weren vß der hut luginßlant auch mit dem langen ortt vnd ob du alwegen mit dem langen ort ge gefellet hest So wind allwegen din messer mit dem dinem in den stier von beiden syten get eß zu ~ ~

Item ligstu in der hutt luginßlant So ste mit dinem beÿn wol in die woge vnd halt din mesß gestrack vnd loß in machen wz er will hastu im recht gethan so kan er nu^etz schaffen er wechsel durch oder mach wz er will du magst auch dich in disse hut legen uff sin messer also gestrack vnd daruß machen Wz du wilt vnd alle ploß do mit suchen Vnd wo du dz venster sicht uffenston so sech frelich mit dinem ortt oder mit eynem haulb vnd mach Indes wz du vndericht bÿst etc ~