Page:MS M.I.29 105v.jpg

vff sin lincke siten ein zwiffachen dritt wol vß dem haulb im zu der lem siner rechten hant oder arm Inlbendig oder wo du zu der lem am nesten hast etc ~

Item lig aber vff diner rechten als vor haut er dir noch diner lincken siten so schrit vß dem haulb mit dinem lincken fus woll vff sin rechte vnd in sinen haulb so haulb im noch sinem rechten arm vßwendig noch siner lem ~

Sequitur kurz dich mell

Kürtz dich mell
Ym pand pis schnell
Hau starck ze siner lincken
Der rechten hant soltu wincken

Hie saget der meinster von eynem stuck wie man eynem vff sin arm oder hant haulben sol vnd spricht kurtz dich mell etc Dz stuck mach also so müstu gar schnell sin am an pinden vnd thun im also haulb im zu siner lincken siten starck von oben in eyn ober haulb Indes die will die messer