Page:Cod.Pal.germ.430 050v.png

und leg dich starck mit dem leyb darauff wiltu yn den werffen so schreit mit deynem rechten fuß hynter seynen rechten fueß etc Sequitur textus

Will er ym vechten
Uberschlagen den rechten
Den soltu durchfaren
Er ist gefangen alz yn eym garen

Hye sagt der meyster eyn pruch wyder daß ee gemelt stuck und spricht alzo will er etc

daß soltu alzo verstan felt er dir mit seyner lincken yn deyn rechte handt und mit seyner rechten will er unter durch faren durch deyn rechten und wil dir den schlagen außwendigß yn daß glenck deß ölpogenß yndeß laß deyn messer und deyn rechte hand reyb auß seyner rechten untersich und far unter seyn rechten armen unten durch