Page:Cod.Pal.germ.430 065v.png

hab deyn schildt daß ist dy versaczung wol fuer deyn haubt und schreytt mit deynem lincken fuß wol fuer auß dem haw auff seyn rechte seytten und haw ym yndeß dürch seyn haubt seyner rechten seytten AMEN

Item der vyerd pogen ist zw machen auff der lincken seytten und thue dem alzo leg dich mit dem messer auff deyn lincke seytten Daß der ortt auff der erden sey und der dawm oben stee auf der flech und gib dich ploß mit deyner rechten seytten schlicht er dir denn zw der plöß so peug deyn messer mit dem woll auff daß daß gehulcz stee auff deyner rechten seytten und dy spicz deß messerß auff deyner lincken seytten und schreytt czwiuach mit peyden fuessen wol umb yn auff seyn lincke seytte woll auß dem haw und haw ym durch seyn haubt auff seyner lincken seytten amen

¶ alzo hastu den pogen czwiüach von peyden seytten etc Sequitur textus