in syn rechten knueg pug vnd würff In for dich oder wind din lincke siten an sin rechte vnd schrit mit dinem lincken fus fur sinen rechten vnd griff mit diner lincken hant in sin hals siner rechten siten vnd wurff in vor dich
oder so du Im pÿ dem hals gefast hast so schrit mit dinem rechten fus hinder sin rechten vnd mit diner rechten hant vmb sin hals vff siner lincken siten vnd wurff in vor dich vber din rechte huefft
Sequitur wil er prangen
Wil er prangen
So der arm ist gefangen
Arm vber far in die kellen
Mit trucken soltu nicht felen
Hie saget der meinster eyn bruch wider dz stuck so eyner syn arm gefangen hat mit siner lincken vnd spricht wil er brangen etc
Item dz mach also ist din arm gefangen mit dinem messer so far mit dinen messer vßwendig vber sin arm vnd leg im dz messer vorn an den hals In die kellen vnd druck vast von dir
