d’avouer que tous les autres n’ont qu’efleuré ce discours, & que jay touché au but.
COMME IL SE FAUT DE-
fendre destoquade, & la maniere de donner avec une grande agilité
Chapitre 7.
PLusieurs hommes expers ont discouru de l’escrime, & mesmes en ont escrit, ilz veulent particulierement que pour tirer une estoquade on face le pas le plus grand qu’on peut, ce que je ne puis approuver, pour ceste raison. Celuy qui porte n’est assuré de donner, & bien qu’il donne, en faisant un si grand pas & tournant le dos selon l’instruction de ces maistres, il s’oste la veue du repart de la main gauche, & de luy mesme se va precipiter contre l’espee de son ennemy: Ainsi peut on comprendre aisement combien ceste garde est dangereuse, & qu’il faut eviter ces grands pas, car outre les perilz qu’ilz causent, ilz font perdre l’haleine & la force.
