Page:MS KK5126 114v.jpg

Haw drein nicht zuck
von schaidenn linck zw im ruck
greif in sein rechte
so fachstu _{// in ann fechten}

das ist wenn ir paid zw samen reẅtet mit den gläffenn yst denn sach das ir paid verfelt wild dw denn fachenn an alles fechtenn so las dein gläffen zu hannt vallenn vnd zeuch weder swert noch meser vnd went dich mit deiner tencker seytenn an sein rechte vnd wart auf seinen rechtenn arm mit dem hernachgeschribenn ringenn

Wenn dw chumbst mit der tenckenn seytenn ann sein rechte so pegreyf sein rechte hannd mit deiner rechtenn vnd würf in mit dem verporgen griff vnd wie dw die zwai ringen treybest // das solt // findest hernach geschribenn

Das ander _{/// ringenn}

[W]enn dw mit der tencken hand chumbst an sein rechte E dann sein swert gezogenn ist vnd fert auf mit dem arm vnd wil slachen so pegreyff mit der tenckenn hand sein rechtenn arm vnder dem elpogenn vnd stos in da mit oben von dir vnd erheb vnden Mit dem tenckenn fues sein rechten vnder dem steickleder so felt er

oder wenn dw in mit der tencken hand sein rechten arm pegreyfft hast hinder dem elpogenn so halt denn arm also vest vnd pegreyff mit rechtenn hand sein swert mit dem chnopf vnd ruck es do mit zw dier so nymbs dw im das swert

[W]enn dw mit der rechten seyten chumbst an sein rechte seytenn

vnd paid verfält habt mit den glaffenn magstu denn mit der tennckenn seytenn nit chumenn an sein rechte so halt dich mit der rechtenn an sein rechte vnd würff in mit dem sunennzaigen oder mit dem schaff griff vnd wie dw die zwai stuck treyben stuck treyben [!] sold das findest her nach geschribenn

[W]enn dw zw im chumbst mit der rechtenn seyten an sein rechte hannd er denn sein swert gezogenn vnd fert do mit auf vnd wil dich slachenn so pegreyff mit der tencken hand sein rechten arm hin der dem elpogenn vnd halt in vast mit der rechtenn vnd pegreyf sein swert pey dem chnopf vnd ruck im das aus der hand

oder nym im mit der rechten sein messer oder sunst ander wer vnd arbait _//damit

[W]enn dw chumbst mit der rechtenn seytenn an sein rechte hat er den // sein swert gezogenn vnd fert auf vnd wil dich slachen so far mit dem rechtenn arm auswenig vber sein rechten vnd druck das also vndersich in dein rechte seyt vnd reyt fur dich so nymbst dw im sein swert

wenn dw chumbst zw deiner rechtenn seytenn an sein rechte Hat er den sein Swert gezogenn vnd fert auf vnd wil dich schlachenn so pegreyf mit rechtenn hand seinen rechtenn arm hinder dem elpogenn vnd stös in da mit von dir vnd erheb im den vndern seinen rechten fues mit dem deinen vnder dem Steyckleder so felt

wenn dw chumbst mit der rechten seyten an sein rechte so pegreyf mit der tencken hand sein rechte vnd ruck sy fur dein prüst vnd wend dein ros von im vnd zeuch in also vom ros

Der text einer ler zu ross

das gläffen Stechen
sicherlich an hürt lernen prechen

Wenn er auf dich räumpt mit einer gläffenn wildw denn mit chunst gegen im arbaitenn zu ross so sold dw gar sitigkleich wider gegen im reẅtenn so magstu im wol mit deiner gläffenn die seinen abseczenn vnd sunst ander vortail angewinenn mit dem swert vnd auch mit ringen oder wirstu zw dem man hurtn oder rennen so so [!] magstu kain stuck recht treybenn