comme il pourra frapper, en commençant par la premiere garde. Pour suivre l’ordre proposé, en voicy une exemple.
Tirez vostre espee, & vous mettez en posture comme nous avons dit cy dessus, si vostre ennemy vous veut assaillir par ceste garde premiere, il serà bon de retrouver son espee au dehors en croix, afin quil la desgage pour frapper du dessoubs, & au cas quelle ne soit trop a costé quand il vouldra alonger son estoquade de la sorte, tu ne feras quabaisser la pointe vers terre, chocquant la sienne en passant du pied gauche, & le frapper sous lespee.
COMME IL SE FAUT FRAPPER
Second contre-second.
Chap. 10.
DE le Premiere garde, il est fort a propos de venir a la seconde, si tu veux donc assaillir par la seconde garde, il te fault aller retrouver l’espee
