Page:Cod.Pal.germ.430 060r.png

schneyden an seyn kopff Sequitur textus

Wer ym hangattem ortt ligtt
Und dy pnemen wigtt
Dem soltu dürchgan
Wiltu seyn nicht schaden han

Hye sagt der meyster eyn stuck wyder dy pnemen und eyn pruch und spricht wer ym etc

Den pruch soltu alzo machen ligtt er auff deyner lincken seytten ym hangattem ortt und dw auch auff seyner lincken seytten ym hangattem ortt will er dir dan deyn messer pnemen mit seynem messer so merck weyll er deyn messer scheubtt so czuck deyn messer gegen dir und kum ee mit dem schlag den er und schlag yn zw seynem lincken oren yndeß wyndt gegen ym deyn messer und stich ym zw dem gesichtt