siner lincken siten an sinem messer so far mit dem crutz oder gehultz vff sin rechte siten an sin messers klingen vnd schub im also sin messer vff sin lincke siten Indes schrit mit dinem lincken fus vff sin rechte siten vnd schlag im zu dem kopff mit der langen schniden
Item ligt er gegen dir ym hangenden ortt vff diner rechten siten vnd du ligst auch vff diner rechten siten im hangenden ort vnd so ir also ligent gegen eynander also stint ym band so far mit dem gehultz vff sin lincke siten an sin messer vnd schub mit dinem messer sin messer vff sin rechte siten wol vnd schrit Indes wol vmb vff sin lincke siten mit dinen rechten fus vnd schlag yn mit der stümpfen schniden an syn kopff
Sequitur lig er ym hangenden ort
Ligt er im hangenden ort
Benimb dz messer an forcht
Mit dem krutz soltu schuben
Mit beiden schnitten dich vben
