Page:MS M.I.29 082r.jpg

Item Aber eyn ander bruch vnd ist der pest will er dich benemen als vor so merck die will er dir dan nach dinem lincken oren schlecht Indes far vff mit dinem messer als vor vnter sin messer vnd setz ym den ortt an sin hals vff siner rechten siten vnd mach Indes wz du wiltt ~

Sequitur wiltu In bnemen

Wiltu In benemen
Mit lerer hant were nemen
Zuck wechsell ob du wilt
Die wacht hab hinter dem schult

Hie saget der meinster wie man den man benemen sol vnd spricht also wiltu In benemen dz soltu also verstan wiltu Im sin messer nemen so thün Im also so ir beide ligt im hangenden ort vff siner rechten siten vnd er ouch vff diner rechten siten so benÿm im sin messer woll vff siner rechten siten Indes fal mit diner lerer hant vff sin hant an