syn rechten achseln an sin hals woll hin vmb sin nack vnd heb in mit der lincken hant wol vber sich vnd verwind din hant vff din messer dz du dester starcker hebst vnd schrit mit dem rechten fus hinter sin rechten fus vnd druck in dar vber ~
Item oder leg im dz pindt an sin hals siner lincken siten vnd schrit mit dinem rechten fus hintter sinen rechten vnd druck die klingen dines messers an sin arm fast an din lip dz der ort vff diner lincken siten besitz hinüß ste ~
Sequitur wer vber durch ist stechen
Wer vber durch ist stechen
Künstlich vs lere rechen
Wind recht bis behende
Ort ze gesicht winde
Hie saget der meinster eyn bruch wider die vber durch stechen Nu wiltu die vber durch stechen machen So thun Im also wan er dir vber din messer wind vnd wil
