Item du solt auch gar eben mercken ob er weych oder hertt In der versatzung Ist vnd merck dy swech vnd dy sterck vnd zu vor an soltu des wortz Indes nicht vergessen vnd was das vor vnd das nach ist des pistu vor vnterricht worden
Nu soltu wyssen was das wortt Indes ist ob du Enpfindest ob ir weych oder hertt ist In der versatzung so merck das du Indes erbeyttest In alle stuck wye du merckest dy eygenschafft der ding dy auff dich gepracht vnd gemach werden oder dy du auff eynen machen pist Indes duplire: Indes mutir: Indes durchlauf: Indes peschleuß: Indes nymm den schnytt: Indes ring: Indes messer nym: Indes pnym: Indes durchge: Indes durchlauff: Indes thu was deyn hertz begertt: Indes ist Eyn scharpffes wortt da mit dy meyster hartt verschnytten werden zu vor auß dy meyster dye deß wortz Indes nicht wyssen noch vernemen also hastu gar genaw In disen puch den meysten tayl der kunst des messers vnd den grosen Grundt etc
Alzo hatt Herr Hannes Lecküchner von Nurenberg das püch gemacht vnd geticht geendt gott Im den hayligen segen sendt vnd vergeb Im vbel myssetat vnd schuld vnd pebeyß Im seyn parmmhertzige gottliche gnad vnd hulf amen
Composita Est materia illa per dominum Johannem Leckuchner tunc tempore plebanus Jn hertzogaurach Anno domini Ⅿº ⅽⅽⅽⅽº septuagesimo octauo sed iste liber scpt est et pletus Anno 8º secundo Jn vigilia sancti Sebastiani etc[1]
[Library stamp] BIBLOTHECA REGIA MONACENSIS
- ↑ Auflösung und Übersetzung nach Hils: “Der Gegenstand (dieses Buches) ist von mir, Johannes Lecküchner, derzeit Pfarrer in Herzogenaurach, im Jahre 1478 erarbeitet worden; dieses Buch aber wurde geschrieben und fertiggestellt im Jahre 1482 in der Nacht des Hl.Sebastian”
