Page:Cod.Guelf.1074.Novi 06r.png

3 Item oben ins kreutz geschlagen darnach geschwindt mit fürtretten des Lincken fuss oben wol hoch mit den hennden vnnd hinein geschlagenn mit kurtzer schneidt auff die lincken seitten mit fürtrettenn des lincken ^rechten fuss darnach wider auff ander seittenn mit vollem streich der seitten oder plosz Zw geschlagenn. hatt straich 4

Oder dw magst den brauchen vorm gesicht abgeschlagenn oder mit zusamenn springen.

4 Auff die seitten geschlagenn getrettenn auch mit dem Vorteyl vnnd anstossen des schwerdts schier dem ersten gleych. hatt straich 4

5 Ist dem dritten gleich aber dw magst In straichenn als lanng verfallenn, biss dw dich vom Mann schlechst.

So dw aber In vnnden hast versetzt so tritt flucks für vnnd schnel In mit der flech zum [deletion] rechten Ohr, vnd Zuck den lincken fuss vnd schwerdt flucks hindter sich zum vollenn straich.