Page:MS M.I.29 021v.jpg

Item wan er ee kümpt mit dem ober haulb kümpt so tritt mit dinen rechten fus vff sin lincken vnd schlag im zu mit der zwer haulb in sin sterck der klingen so ist sin haulb versetz Indes stos mit diner lincken hantt den knoff vff din rechte siten neben sich vff so schlechstu in an dz linck ore oder magst dz dupliren die wiell du Im in sin sterck gezwirgt hast oder ist er also starck dz du dar zu nit kümen magst so stos im mit dem gehultz sin schwertt hin weck vnd schlag vff din rechte siten vmb vnd such die andern ploß ~ ~

Item ein bruch wider den zwerch ober haulb

so du Im von diner rechten siten mit eynen ober haulb an sin schwertt bindest schlecht er mit der zwierch vmb sich so küm auch vor mit dem zwerch haulb vnter sin schwertt an den hals ~  

Item kümpt er aber vor mit dem haulb ee dan du so spring mit dem rechten fus mit der vor geschriben versatzüng vß dem haulb woll vff din rechte siten vnd schlag in mit de zwer an die vorgenante statt ~