Item Ist er aber mit der versatzüng zu starck dz du zu den stucken nit kumen magst so stos mit dem gehultz sin schwert hin weg vnd schlag im mit der zwer zu der andern siten oder will er dir eyn louffen so nymb den schnidt vnder sinem armen ~
Item nÿmpt dich eyner by dem hals zu diner rechten siten so loß din schwertt vß diner lincken hant vnd stos mit der rechten sin schwertt von dinem hals vnd schrit mit dinem lincken fus gegen siner rechten siten fur sin beide fus vnd far mit dinem lincken arm vber sin beide arm nohe by dem gehultz vnd fur in zu dem tantz oder stich im vnten zwuschen dinem beynen zu dem gemechtt ~
Item wan du mit dem zwer haulb machen wilt vff siner lincken siten so triff nicht vnd schlag behende vff sin rechte siten schlecht er dan zu diner rechten so schnid indes starck in sin hende In das glenck siner rechten hant daß gat zu beiden zu
¶ zwer zu dem pflug
Zwer zu dem pflug
Zu dem ochsen hart gefug
