Page:MS M.I.29 030r.jpg

Daß ander dz ist der zwer haulb der bricht die hůtt vom tag

Daß tritt ist der schiller haulb der brichtt die hůtt auß dem pfluge

Daß vierd dz ist der schyttler haulb der bricht die hůtt die do heisset der alber vnd wie du die rechten stu^eck vß den vier heulben gegen den hutten triben solt dz vindest do vor in den heulben geschriben dar vmb hut dich vor versetzen gegen den hutten wiltu anders mit schlegen nit geschendt werdenn ~ ~

¶ vor versetzen hutt dich

Vor versetzen hut doch
Geschicht dir not es můt dich

Du solt dich hütten vor dem versetzen als yttlich vechter versetzen so lossen sie den ortt vor dem man nider oder hoch vff ein siten vß gan vnd wer dz thůtt kan der bloß am man nit suchen dar vmb versetz nit vnd merck wan er haut so haulb auch vnd wan er sticht so stich auch vnd wie du gegen sinen haulben haulben solt dz vindest in den fünff heulben geschrebenn