Page:MS M.I.29 031v.jpg

Item das ansetzen tribe also wan du mit dem zu vechten zu Im kümpst so leg dich mit dem schwertt in die hutt des oschen oder des pfugs wil er dir dann oben eyn haulben oder zu stechen von siner rechten siten so küm vor mit der versatzüng schvß im den langen ort ein zu der nesten ploß siner lincken siten vnd wart ob du im machstes an gesetzem ~~  

Item oder hautt er dan von oben ein von siner lincken siten so küm vor mit der versatzung vnd schuß im den ort lang In zu der nechsten ploß siner rechten siten  ~  

Item oder hautt er dir zu von vnten vff von siner rechten siten so schuß im den ort lang In zu der nesten ploß siner lincken siten ~

Item oder hautt er dir zu von vnten vff von siner lincken siten so schuß im den ort lang In zu der vntern ploß siner rechten siten vnd wart allbegen do mit des angesichtz wurtt er dan dz ein schussen gewar vnd versetz so plib mit dem schwertt auff dem sinen vnd arbeÿtt behendeglich zu der nesten ploße ~

Item du solt auch dz wissen als bald ir zu samen kümpt Im zerr vechten vnd als bald er sin schwert