Page:MS M.I.29 035v.jpg

wer auff dich bindet
Durch wechseln in schir schnit oder ^findet

Wiß der durch wechsel ist vil vnd mangerleÿ vnd die magstu triben ausß allen wenheulb gegen den vechtern die do haulben noch dem schwertt vnd nicht zů den plossen des mans vnd die soltu gar woll lernen triben mit fursichtikeÿtt dz man dir icht an setz die wiell du Im durch wechselst ~

Item dÿ durch wechseln tribe also wen du mit dem zu vechten zu im kümpst so haulb im lang In zu dem kopff haulbt er dan gegen dir zu dem schwertt vnd nicht zu dem lieb so loß den ortt mit dem haulb vnten durch wechseln Ee er an dz schwertt pindt vnd stich im zu der andern siten wirt er dan des stichs gewar vnd vert mit dem stich schwert dem stich bald noch mit versatzüng so wechschell aber durch zu der andern siten vnd dz tribe alwegen wen er dir noch dem schwertt fertt mit der versatzüng zu beyden siten ~ 

Item aber ein durch wechseln

wen du mit dem zu vechten zu Im kümpst so setz den lincken fus vor vnd halt im den langen ortt gegen dem gesichtt heut er dir dan von oben oder von vnten zü dem schwertt vnd wil dir dz hinweg schlagen oder do von winden loß den ort vntersich sincken vnd stich zu der andern siten vnd thůn dz gegen allen heulben ~