Page:MS M.I.29 038r.jpg

so loß din lincke hant vorn vom schwertt vnd mit der rechten far mit dem knoppff vssen vber sin rechte hant vnd druck do mit nider vnd fas in mit der lincken hant bÿ dem rechten elnbogen vnd spring mit dem lincken fus fur sinen rechten vnd druck In also dar vber ~

Item eyn ander ringen

wan er dir eyn laufft so verker din lincke hant vnd far do mit vber sin rechten arm vnd begriff do mit sin schwertt zwuschen sinen beiden henden bÿ der hant haben vnd ruck vff din lincke siten so nÿmbstu Im sin schwertt ~

Item aber ein ander ringen

wan er dir In loufft im schwertt so loß din schwertt vallen vnd verker din rechte hant vnd begriff do mit sin rechte vßwendig vnd mit der lincke vaß Im bÿ dem rechten elnbogen vnd sprinck mit dem lincken fus for sinen rechten vnd stos mit der rechten hant siner rechten arm vber dinen lincken vnd hebe In do mit vber sich also ist er verrigellt vnd magstu Im also den arm prechen oder fur dich vber dz lincke bein werffen ~

¶ Schneÿd ab dÿ hertenn

Schneÿd ab dÿ hertenn