Heulb stich leger wiech oder hert
Wiß dÿ zweÿ hengen von der erden dz ist der pflug von beiden siten dar In soltu auch haben dz fullen yn heulben In stichen vnd Im band des schwertz ob er darin weich oder hart ist
Auch soltu wissen dz du dar vsß solt triben vier wenden besünder eyn haulb ein stich vnd ein schnidt als vß den obern hengen
Item dz hengen merck auch also wen du mit dem zu vechten kümpst zu dem man so leg dich in den pflug oder in den wechsel haulb es sy von welcher siten es woll so heng din schwerttz knopf gegen der erden vnd stos in von vnten auff vsß den hengen zu dem gesicht stost er dan den ort mit versetzen vber sich so pleÿb also am schwertt vnd far vff mit dem knopf vnd heng im den ort oben In zu dem gesicht vnd in den zweÿhen haulben soltu alle gefertt triben mit haulben stichen oder schnitten ~
¶ Sprecht venster mach
