Item dz sprech venster mach also wen du mit dem zu vechten zu dem man gest mit welchem haulb du dan an Im kümpst es sy ober vnter haulb so loß im den ort alwegen lang vß den armen mit dem haulb ein schissen zu dem gesicht oder brust do mit zwingstu In dz er müß versetzen oder an binden vnd wan er also an gebunden hat so plyb im starck mit der langen schniden auff dem schwertt vnd sten frolich vnd besich sin sach waß er furbas vechten will zeuchtt er sich zu ruck ab von dem schwert so volg im noch mit dem ort zu dem gesicht oder brust oder schlecht er vß dem band vmb zu der andern siten so schnid im starck vber den arm vnd arbeit im eyn oben zu dem kopf oder wil er sich vom schwertt nit ab zichen noch vmb schlagen so arbeÿt mit dem duppliren oder sünst mit andern stuecken darnoch als du entpfindest ob er starck oder swach am schwertt ist ~
Item so soltu die sprerch fenster dz sindt zwo hutte auß dem langen ortt ein am schwert vnd die ander vor dem man ee wan du ÿm
