uer l’espee de ton ennemy du dedans, afin qu’il aye subjet de se mouvoir. Posons mesme le cas qu’il s’esmouve pour frapper a mesme temps que tu l’auras couverte. Alors sans parer tu avaleras ton espee, pendant que celle de ton adversaire faict son voiage devers la tienne,
DE LA TIERCE CONTRE
la Tierce, Cap. 11.
AYant discouru des deux premieres, il ne faut point oublier la tierce, contre la tierce, afin que le tout se resente de son ordre, facilitant nostre oeuvre pour en donner une plus grande intelligence a ceux qui sont curieux d’avoir la congnoissance des armes.
Assaillant de la tierce, contre la tierce, je veu que tu entre dedans avec resolution, que tu batte l’espee de ton ennemy, feignant de luy porter une estoquade en l’estomac, qui
