LIVRE SECOND DE L'ESCRIME DU SIEUR DESBORDES Chapitre 1.
AYANT PROMIS DE PARLER de l’espee & du pougnart, comme des armes principales des Cavaliers, je veux effectuer ma promesse, & le tout avec ordre. Mais par ce qu’au premier livre j’ay monstré qu’elles sont les gardes principalles, desquelles jay reservé les les figures, je n’en feray autres redite me contentant de ce que j’en ay escript si dessus. Je feray voir comme il se faut tenir avec le corps, & la main, avec le pougnart, & la difference des autres gardes, comme il se pourra voir es enseignemens suivantz.
