Page:Cod.icon. 393 I 090v.jpg

Sequuntur quatuor Ictus
quibus omnis generis habitus et castra repelluntur, atque in nihilum rediguntur.

In superioribus dictum est de quatuor custodijs, iam igitur doceberis, quae principales formae sint, quibus hostis impetus retardantur, quarum sunt ictus quatuor.

Primus est, qui Curuus dicitur, cuius supra mentio facta est, is removet habitum, vel custodiam Bovis.

Secundus. Transversarius, qui custodiam de die repellit.

Tertius. qui à limis oculis appellationem sortitus est, is custodiam Aratri disrumpit.

Quartus. is est Ictus, quo vertex capitis adpetitur, qui custodiam Populi, ut nos Germani vocamus, repellit.

quo autem modo certiores habitus ex praedictis Ictibus sint formandi, et qui habitus sint contra custodias, supra descripti sunt in Ictibus, quare si plagas cavere velis, nullos alios preter hos exerceas.

Cautela Observatioque
quid agendum sit,
si hostis impetum exceperit,
atque ab ense tuo removere suum nolit.

Si adversarius Vim tuam sibi illatam exceperit, nec ensem ab ense tuo removere volet, verum conatur, ne ullos habitus queas exercere, tunc tum quasi ensem retrahere volveris simulabis, et usque ad medium attrahas, eo post celeriter sublato, caput eius acie brevi, vel habitu duplationis concutito.

Alia Forma

Quum adversarius impetum removerit tuum, sursum ensem ab ipsius gladio vellito versus mucronem ipsius, quasi superné excepturus, verum ensem non removeas, at ita haerens ab ense rursus caput eius ferias.